香港冬天都未到，2016年春夏時裝周已經進行得如火如荼，令人萬分期待的Chanel，又再成功於巴黎時裝周搶盡焦點。品牌的創意總監、人稱老佛爺的Karl Lagerfeld是次以旅遊時尚為題，搭建真實程度爆燈的機場場景。
走進Chanel Airlines的侯機室時，更有身穿Chanel制服的地勤人員幫忙Check-in，非常過癮。出自老佛爺手筆，當然連上機落機look都特別型。其中記者最愛機場候機告示版pattern的絲質連身裙，剪裁帶波希米亞風格，突破尋常碎花裙的框框，令人眼前一亮。
另外每次Chanel fashion show最令人期待必然係最新手袋系列，老佛爺當然唔會就咁畀個2.55你睇就算，今次唔玩呼拉圈，玩黑皮菱格紋行李箱！（記者無限尖叫中）咁我都知行李箱唔太受香港人歡迎，但念在佢係Chanel份上就原諒佢啦，真係好靚啊法官大人。最多我出年癲到拖篋當手袋時，分秒提醒自己唔會碌人腳趾有失儀態咁衰女！同場加映美國流行聖經《Vogue》推介，八款Chanel創意怪袋，不過女人遇Chanel毫無反擊之力，幾萬蚊買個用唔到嘅手袋都心甘命抵。
資料來源：《Vogue》、style.com
記者：楊麗珊
