新一季澳職噚日開鑼，今夏由珀斯光輝轉投布里斯班獅吼嘅占美麥卡倫踢出身價波，上半場省入兩粒，協助球隊作客贏西悉尼流浪者3:1，喺常規賽旗開得勝。西悉雖然有主場之利，但開波九分鐘就有後衞班頓咸美爾派膠，畀機會占美麥卡倫單刀笠死出迎嘅門將列美尼，幫獅吼開紀錄；主隊四分鐘後由中場尼高斯追成1:1，但開心咗一陣又俾丹尼爾保尼斯喺24分鐘幫獅吼領先2:1，呢球仲係球隊喺澳職嘅第400個入波，認真有意義。占美麥卡倫喺34分鐘再入一球，令獅吼半場領先3:1，兼以呢個比數完場而開出受讓平/半下盤，帶挈買咗佢哋嘅球迷贏錢。話時話，呢場揭幕戰有成14,122人入場睇，場面算係熱鬧。