巴塞隆拿前鋒美斯（中）一家呢排認真多災多難，美斯因為膝傷有排唞，唔單止今輪，阿根廷足協都話11月對巴西同哥倫比亞嘅世界盃外圍賽都唔預佢，美斯阿哥早排又喺阿根廷因藏械被捕，今次就輪到佢老竇（左），雖然西班牙法庭就逃稅一案放過美斯，不過佢老竇仲未甩身，最高刑罰可能判監18個月㖭；好彩美斯都保持輕鬆心情，周二仲撐住拐杖同老婆接仔放學㖭。