汕頭當地朋友語我：潮汕本來冇「打冷」這號名詞，宵夜粥品魚毛蝦毛魚飯小食，打冷這名詞香港傳過來的。
孰真？孰假？求證無門，問極不得要領。
正宗父母皆潮籍港仔，雖然難得通曉聽講潮州話，也無言以對。
一般認為，潮州人叫自己人： 架己冷，冷＝人？冷＝郎、男？打冷這個冷是否共通？然則似，而非。
打冷解宵夜小吃，雷勁一族雖然不缺黃洋達、黃毓民等躁貨，並不解釋吃頓宵夜都要捋起衫袖郁手郁腳嘛？
汕頭地頭文化人對我們說：打冷，的確香港傳回。
除珠三角廣府人、客家人，潮汕裔人口在港排第三位，於第四位江浙上海人之上，某些生活細節先出口再內銷，絕對可能。
自殖民地時代習慣，香港人愛在言語插入外語（不單止英語，毛衣＝冷衫，冷＝法文羊毛 Laine），如今去殖如火如荼，未知將來會否嚴禁富外語港人講法呢？
香港人講睇個究竟：打個Round。
打個Round，睇吓Po飛（P與B，L與R與N，S與Sh等等發音，是部份港人天長地久搞不清楚的口頭癱）枱上面有乜嘢食？攞多啲Sashimi，返轉頭，乜都冇晒囉！
去打冷：打個Round睇吓牙帶魚鮮明，定係大眼雞肥？豬大腸大碌，定有不常見粉腸？
打個 Round＝打冷，不絕對也99%相信。
華洋亞拉非雜處社會如香港，百數年來衍生與本來純華人大陸話語模式極不同，無可厚非！更成就了過去港式過癮，港產片、Canto Pop、Kong Fashion之獨特。
潮州人?是廣東卻非完全粵文化產生的魅力，自數十年前汕頭初接觸，一直吸引我。年中幾次駛車上汕頭嚐獨特美食買粿買餃買滷水鵝是過去多年習慣。
今天，10月8號開幕至12號，遮打花園舉行「香港潮州文化節」，未必能展示潮汕文化之多樣及深遠，解一時之渴，急不及待參觀。