師奶不問世事，但難掩八卦，認定「不動如虛空的人」是風水佬之流，上討論區追問：「個風水佬叫做李天命，是否算命好準？」
師奶想搵李天命幫個乖仔算命，睇佢考唔考到港大。「不動如虛空的人，是不是專注力有毛病呀？我諗，這種人可能接通到天地線，靈過鬼眼，準過問米，各位網友幫幫手，李天命年尾出流年運程天書時，記得話我知。」
網民潑冷水，叫她咪俾個乖仔考港大，因為，姓李那個算命佬講到明，將來，邊個會請港大生！大話精！永別僱用咁話！
師奶大驚，培養孩子琴棋書畫十八般武藝，成擔心機，邊個咁大整蠱，迫佢乖仔畢業即刻失業？
師奶驚足三分鐘，師奶老公點醒她，這是後獅子山時代了，年輕人海闊天空，無所畏懼；阿仔有誠信，守公義，絕非學究八股，冇乜興趣攞博士學位，肯定唔貪圖做無知、無能、無恥的十二校委！諾貝爾獎倒有機會攞到喎！咁，使鬼理滿嘴歪理、腰膝僵化只剩屎眼空轉作動的風水佬！