碧咸下個月14號會重返奧脫福代表英國明星隊，同施丹明星隊踢番場慈善賽，幫聯合國兒童基金籌款，波飛仲好搶手，已經賣出六萬張；為隆重其事，碧咸周二仲重返娘家宣傳，再踩一踩奧脫福草地。英國明星隊就由費格遜帶隊，碧咸對呢位師傅真係又愛又恨，不過碧咸喺記者會都好大方咁講，費Sir喺球員面前，真係好有威嚴，之前見番佢，真係好似重返後生仔嗰陣喎。