建制政黨、組織經常委託做民調嘅香港研究協會，噚日公佈市民對港府及主要問責官員滿意度評分，就話15位司局長評分悉數上升，當中升幅最大係財政司司長曾俊華（圖），5分最滿意，佢有3.38分，係任內新高。
民調係10月2至6日做，正正係鬍鬚曾講完唔考慮選特首之後，唔知佢睇完民調結果會唔會重新考慮呢？
三司嘅評分排第一位係鬍鬚曾，第二係局長奶媽林鄭（2.91），包尾係律政司司長袁國強（2.5）。
雖然今次民調冇包括特首梁振英，但香港研究協會上月尾先公佈梁嘅評分為2.34，俾鬍鬚曾大幅拋離，民調結論仲叫佢「認真總結過往的工作經驗，把握民意走向」。建制民調機構咁樣挺鬍鬚曾，係偶然定係有景轟？