土地正義聯盟成員朱凱迪領軍嘅「城鄉共生連線」，噚日喺政府總部外添馬公園草地誓師，雖然手上只有村民所種、用嚟表達保育參選理念嘅瓜菜，但已令警方如臨大敵大為緊張。
八方現場所見，至少4名便衣警員到場監視，多名軍裝警員亦全程在旁觀察誓師。
其中一位警民關係科女警員（圖），除咗全程𥄫實朱凱迪等人，不時勤力影相同報料外，造型亦與別不同，捲起牛仔褲褲腳時，右腳竟然露出兩大幅花形圖案嘅疑似紋身。唔知係咪怕礙眼？呢位Madam其後做嘢時，就放番低個褲腳遮住紋身。
八方事後向警方查詢，警隊係咪容許警員紋身，呢位女警有冇違規？警方回覆時冇正面回應，只係話會了解，若證實有人違規，會嚴正處理。