將會喺出年一月再婚嘅中國女排主教練郎平（前排中），今個月24號會嚟到香港同球迷見面，佢仲會聯同多位昔日愛將，包括賴亞文、王麗娜，加埋已移居香港嘅孫玥等，喺當日下晝同大專生進行比拼，地點待定；大會預留咗少量座位畀公眾人士透過網上登記，詳情稍後公佈。郎平上月初帶領中國女排贏得世界盃后冠，之後畀中國傳媒篤爆佢會同一位國家博物館鑑寶專家結婚。