忙於搵錢供樓年輕夫婦失性趣

忙於搵錢供樓
年輕夫婦失性趣

【本報訊】又是土地問題?泌尿外科專科醫生葉維晉表示,港人行房頻率低,除了身體上疲勞,身心承受龐大壓力,都會降低性慾。臨床有不少求診的年輕夫婦只忙於搵錢、供樓,導致生活刻板,忘記性生活有助維繫感情,令性興趣大跌。葉建議夫婦多製造浪漫約會,促進感情。
葉維晉說:「𠵱家後生夫婦嘅問題係個個顧住搵錢、掛心工作,對性失去興趣,雙方見面、『通電』嘅時間又太少,所以要製造多啲浪漫嘅時刻。」他指性不代表一切,但夫婦要靠親密關係維繫感情,夫婦之間無性生活並不正常,應坦誠溝通及正視。

倡多製造浪漫約會

臨床所見,60至70歲的求診病人主要因慢性疾病,引致勃起功能障礙而求醫。30至40多歲的求診夫婦,則多因心理問題致性慾低、對性缺乏興趣求診,包括工作、經濟壓力大等。
藥物不能改善對性失去興趣的問題,葉醫生建議夫婦應好好安排二人的相處時間,避免超時工作、或生活太忙碌、太緊湊:「生活唔好淨係返工、放工,否則慢慢就會忘記咗性,喪失咗對房事嘅觸覺。」他建議不妨多製造浪漫約會,加添情趣,例如睇戲、燭光晚餐等。
■記者梁麗兒