【本報訊】鉛水風波至今有11個公共屋邨受災，居民都經歷過日曬雨淋輪街喉之苦。當中深水埗元州邨，至今仍有居民要落街擔水，或飲用樽裝水避鉛。有住戶表示，房署提供的濾水器不好用，索性落街取水。啟晴邨居民黃小姐批評政府行動太慢太遲，現時才交中期報告，但政黨已幫她的家居驗水，自己一早買濾水器自救，「個個都裝咗先，仲等你咩？」
指濾水器出水慢
記者昨日到元州邨了解鉛災近況，年逾80歲的邨民謝先生稱，幾年前與老伴從蘇屋邨搬來，未想過會發生鉛水事件。雖然房屋署承建商已替每家每戶安裝濾水器，但他批評濾水器出水速度緩慢，猶如小朋友小便速度，居民寧願到屋邨街喉取水。
家住將軍澳的楊女士昨日到元州邨探望81歲母親，她慶幸獨居的母親仍然身體健康，但每天仍要到樓下街喉取水。楊女士惟有趁每星期兩天休假探望媽媽，並替她到街喉取水。另一名居民李女士質疑，房委會有甚麼徹底的解決方法，假如要全更換新水喉會是大工程，不知何時輪到元州邨。
最先爆出鉛水問題啟晴邨居民怨氣最深，居民黃小姐指已不理會政府有何跟進行動，「件事越搞越大佢先去做，但超慢囉！我冇理由係咁等你，我唔知你有乜措施出嚟」。她指鉛水是制度缺陷，已不期望政府會問責，「問唔問責都冇所謂，政府都係做個樣出嚟」。
■記者林社炳