【無懼搶客】
基金銷售業務佔銀行佣金收入比例不少，若果港交所（388）建立基金銷售平台，證券行經紀並藉此銷售予客戶，或會為銀行業帶來競爭，但業界認為，銀行更了解客戶財務狀況，而且有人性化元素。
恒生銀行（011）執行董事馮孝忠認為，港交所若建立基金銷售平台，並透過股票經紀買賣，對銀行業影響中性，「平台畀唔到advice（建議）你，係一個無人性化嘅交易」。
銀行服務更人性化
他指銀行有風險管理，亦會有研究團隊及客戶服務經理提供分析，「客人都會想搵啲識嘢嘅人去幫佢哋做分析」，更人性化。銀行好處是理解客戶財務狀況，故銷售時會各適其式，相信即使有交易費差異，未必會帶來大影響。若新平台僅提供基金買賣，馮孝忠認為現時電子銀行系統經已有相關服務，加上坊間及海外均設有基金買賣平台，故認為影響中性。
新平台認購費或低於1%，較銀行界現時1%至3%便宜，上海商業銀行產品拓展處總監陳志偉認為，市場參與者增加肯定會帶來競爭，「但銀行唔會話損失好大」，因銀行提供存款、股票買賣及基金服務全面服務。