大家估緊美國幾時加息之際，聯儲局前主席伯南克寫嘅回憶錄《The Courage to Act》剛出版，仲會搵埋前財長蓋特納為新書造勢。
61歲嘅伯南克舊年1月卸任儲局主席後，無官一身輕，近日接受《美國今日》訪問時講出心底話，想有更多腐敗嘅華爾街大行高層坐監，為2008年金融海嘯負責。
伯南克認為，金融機構唔可以鎖入監獄，而金融海嘯確係由個別人士犯錯引起，所以應該要有更多人負責。
伯南克喺新書又繼續為救市行動護航，指儲局當年非常有決心，唔畀雷曼兄弟執笠，可惜雷曼兄弟實在負債太多，美銀與巴克萊最後拒收購。
不過佢承認，當年的確冇向美國民眾解釋清楚儲局救市嘅原因，至今仍然有好人誤解，甚至喺政治上對聯局採取敵視態度。