城中熱話真多，搞到「去殖民地化」呢個題目好似都out out哋，講到香港以前作為英國殖民地，其中一間最為人認識嘅英資企業就係「中環大業主」置地公司。
今年係置地成立126周年，公司近日喺中環交易廣場中央大廳舉行一個名為「美夢成真……置地公司的故事」嘅展覽，展期至本月23日。
展品中，最特別應該係置地首份業績，公司當年盈利係12.8萬元。當年嘅財務報表相對亦比較簡約。置地執董羅謙信就最鍾意一張1931年中區舊照片。佢指，相片從高空拍攝，呈現咗皇后像廣場呢個公共空間美麗嘅一面。
佢又好客氣咁話，香港回歸後，仍然係一個營商嘅好地方，置地繼續在港擴展業務。
