飛人保特（圖）雖然已經宣佈今年「收爐」，專心備戰出年嘅奧運，但佢一向鍾意玩，所以，日前就去咗參加慕尼黑啤酒節，而今年仲係29歲嘅佢連續第三年參加呢個盛事。着住德國傳統服裝嘅保特，喺啤酒節上都不知幾high，除咗大大啖嘆啤酒、同粉絲簽名合照，仲擺出招牌嘅射箭慶祝動作等傳媒影相呢啲「指定動作」之外，仲走上台同一支德國民歌樂隊jam歌同跳舞㖭！