國足家陣喺中東杜拜進行為期五日嘅集訓（圖），備戰周四對卡塔爾嘅世盃外生死戰。據了解，由於國足食唔慣阿拉伯餐同西餐，所以集訓嗰五日，日日都會搵中餐食；咁啱佢哋同家陣喺杜拜拍緊電影嘅國內劇組都揀埋同一間中菜廳，聽聞劇組內仲有成龍呢啲大明星，話唔埋大家有機會同枱食飯。不過，成龍大哥之前話巴塞可以贏世界盃，若然佢見到班國足，希望唔會講錯嘢啦。