有證券界朋友，早前看罷一篇有關基金回報的《樂香園》向密西比報料。他說：「其實個基金回報負六成都唔係好多啫，據我所知，有一個薄有名氣，喺舊年自立門戶嘅基金經理，原本喺『港股大時代』嗰陣，係威係勢咁成日同人講賺咗好多，但原來一個浪打過嚟，即刻輸凸晒。」
短短一、兩月就即時「輸凸」？朋友謂︰「係呀，賺錢可能要一年半載先有成果，但輸錢就可以好似倒水咁快……聽講話，之前4、5月嗰陣，嗰位基金經理管理嘅規模大約為170%左右（與基金去年開始時作比較），之後內地爆發股災，基金表現開始走樣，規模喺7月縮到得番110%！」
朋友語帶不屑地說︰「唔知買咗啲乜鬼高風險嘢，又或者佢孖展借得好盡啩，佢個基金去到8月，規模居然再縮到得番60%！即係舊年若果你擺咗100蚊落佢個基金度，𠵱家就得番60蚊！都咪話唔嚇死人！所以佢呢排周圍同人講，要閉關一排搵投資靈感喎。」這個小故事，除了再次說明投資不要太進取及要平衡風險外，「賺到錢」時亦不要太沾沾自喜，免得「一囂張就出事」。
密西比