記得《阿笨與阿占》嗎 紅猩阿笨已14歲做老竇

記得《阿笨與阿占》嗎 紅猩阿笨已14歲做老竇


日本節目《阿笨與阿占》早年大受歡迎,為觀眾帶來唔少歡樂,不過猩猩阿笨自二、三年前開始已絕跡螢光幕,趁住阿笨啱啱喺10月1號過咗14歲生日,諧星志村健就去動物園探吓阿笨,睇吓佢嘅近況,呢個過程就透過前日播出嘅節目《志村動物園》特輯播出。

志村健當年同阿笨經常合作,直頭當佢仔一樣,呢一日志村健帶住蛋糕去動物園探阿笨,仲同佢玩自拍,阿笨冇見一排已經大隻咗好多,原來已經做埋人老竇,阿笨嘅囡囡就透過節目首度曝光,志村健仲形容係孫女已經出咗世,仲話俾阿笨爬頭做咗老竇咁話。