10月1日國慶日，亦是一代馬王「精英大師」馬主施雅治太太費葆奇的生日，當日跑完馬，施雅治夫婦同仔女及孫兒三代同堂一起食番餐慶祝。
施雅治夫婦的愛駒「星光大師」周日(4日)在港初出，爭第二場四班1000米，如果可一出即勝，便成為費葆奇一份重大生日禮物。施雅治表示自己很幸運，能夠養到18捷取得豐功偉績嘅馬王「精英大師」，如同中了六合彩般，而無人能次次都中六合彩。除了「精英大師」，施雅治話近年的「英明大師」以至現役的「英勇大師」等均能交出頭馬，「英勇大師」更已五捷且可能仲有得贏，行運行到腳趾尾，因此施雅治謂已非常感恩。
至於「星光大師」今仗的機會點睇？施雅治指出隻馬在澳洲試閘走勢好靚，做足工夫才運港，今仗1000米直路賽排8檔唔差，負121磅亦好輕鬆，他有信心愛駒可以跑得接近。