張崇基與張崇德近日獲一麵食品牌邀拍硬照廣告，兩兄弟拍住搵真銀。崇德表示與哥哥崇基雖然入行20多年，但仍有不少人將兩兄弟認錯，以為劉美娟是哥哥張崇基太太。崇德笑說：「試過有人send email話想搵張崇基同劉美娟夫婦做嘢，我咪問番對方究竟搵我哥哥同我太太定係點囉！以前我同哥哥大家單身就冇所謂啫，𠵱家大家都有家庭，就唔係咁好囉。」
崇基與崇德將於本月17日和18日在灣仔伊館舉行「基會難德」演唱會，問到售票情況如何時，崇德坦言：「比以往差，但我問過行家，佢哋話個市差，我哋都算賣得唔錯㗎啦。」問張栢芝會否前來捧場時，崇德說：「佢話如果喺香港就會嚟支持。」
採訪：魯吉