劉青雲日前與太太郭藹明（Amy）以夫妻檔合作拍EPS廣告，兩人開工期間「假戲真做」，差點以為兩人真的在撐枱腳。 未知是否因Amy甚少參與拍攝工作，所以青雲在片場體貼地為太太按摩肩膊。
青雲說：「我哋已經好耐冇合作，今次有人夠膽搵我哋，所以我哋咪夠膽一齊做。」見到他們在人前人後表現恩愛，青雲搞笑說：「咁多人望住，冇理由唔sweet，做都要做畀大家睇，唔係以後點搵食。」在旁的Amy立即大發嬌嗔，青雲見狀大笑。至於被讚體貼地替太太按摩？青雲說：「平時都係佢照顧我，咁多年第一次喺拍嘢嗰陣幫女演員按摩，我通常唔睬其他人。」Amy冧爆地說：「今日我有啲唔舒服嘛！」
撰文：唐琛悠