禮拜日沙田七草三泥賽事，草地用B加2跑道，由於受到熱帶氣旋彩虹的影響，天文台預測會有大雨，或有可能在變化地上作賽。睇番上季5月9日B加2欄亦曾以黏地作賽，雖然有「喜蓮歡星」及「慣勝福星」貼欄擺前帶到，不過亦有「金剛仔」居中後上勝出，值得留意係後駒沿途走大外叠照樣衝贏對手，可見雨中作賽對走外叠之馬匹未必唔好。
今戰列陣馬中，第四場「正白旗」既贏過變化地，亦贏過B加2欄賽事，場地性能有保證，當然唔可以睇小。另外，尾場「文藝復興」兩戰B加2欄非冠即亞，有力食尾糊。
至於三場泥地都係跑1650米，上季濕泥同程似乎好利後追馬，好似「好爽趣」、「威勢之寶」及「勁開心」都係後上建功，第六場「奪目商人」及第七場「至勝威龍」等曾於濕泥上名之後上馬可優先留意。