由「宇宙最強」的甄子丹、張晉主演，並邀得前世界重量級拳王泰臣（Mike Tyson）參演的新片《葉問3》雖然要等到聖誕才能欣賞，但該片的預告已於日前放上網，因為泰臣參與演出的關係，吸引不少外國網友留言，但不少網友都圍插一代拳王居然拍攝合拍片。
正所謂「識睇一定睇留言」，有外國網友以「terrible」（可怕）來形容預告片，有網友話似一部笑片：「It seems like a shite parody film」（睇嚟好似一部搞笑片）。亦有網友提議泰臣「應該畀葉問睇，佢點樣同25個女仔造愛」、也有以單字「shite（shit）」「妖」着回覆，更將《葉3》和曾被選為「你最喜愛的20齣動作爛片」之一的《拳霸天下》（Blood Sport） 相提並論。
主角子丹昨日在昂坪360為《葉問3》宣傳，同時宣佈「葉問體驗館」會於11月底在昂坪市集揭幕。子丹昨日跟一班小朋友在台上耍詠春，他笑言囝囝亦很有潛質，2歲時已識打木人樁。
子丹：唔會令觀眾失望
其後子丹接受訪問時講到預告片在自己facebook有近200萬人瀏覽感到驚訝，他說：「都好驚訝，能夠拍一部電影，令全世界咁多人關注，facebook係一個國際平台。」對於有外國網友認為前拳王拍合拍電影是降格，子丹回應說：「佢今次都有相當嘅戲份，唔想透露咁多橋段，等部戲出嚟先，唔會令觀眾失望，唔止我一個人要求，導演都會顧自己聲譽。」他透露本身是泰臣拳迷，每場拳賽都有欣賞。
採訪：溫敏芝
攝影：仇志德
