卡塔爾喺世盃外亞洲區C組暫以全勝九分位列榜首，中國就差兩分緊隨其後。國足為咗備戰八號作客卡軍嘅比賽，周五就去咗杜拜集訓，畀鄭智等球員早啲適應中東嘅天氣，而佢哋喺比賽前一日先會到卡塔爾。聽聞國足主帥佩連一早訂咗個訓練場，點知喺出發前，杜拜嗰邊先話個場俾其他球隊搞到殘晒，可能畀唔到國足用嚟訓練，嚇到佩連要即刻派個助手去換場！