下周日好波連場，最大焦點當然係英超阿仙奴主場對曼聯啦。領隊雲格日前度過咗入主兵工廠19年，紅魔主帥雲高爾就話自己好難做到雲格或者費格遜咁，花咁多年喺一間球會度，所以無悔執教生涯入面周游列國，但亦重申曼聯係佢最後一支執教嘅球隊，完成埋合約就會退休。另外，紅魔中場卡域克已經冇大礙，可以喺下周日候命。