為咗喺11號快艇對黃蜂嘅NBA中國賽造勢，飛人牌嘅代言人基斯保羅（Chris Paul、圖）喺噚日又出新鞋喇。而呢對以黃色為主色嘅新鞋（小圖）嘅創作靈感就嚟自中國龍，暗示基斯保羅喺球場上嘅表現同成身都係黃色鱗片嘅龍一樣咁神通廣大喎。但係睇真啲，呢對黃黑相間嘅鞋又唔係好似龍，反而有少少似大黃蜂，唔通呢對鞋嘅設計師係想順便討好埋身兼黃蜂班主嘅老闆佐敦？