喺歐聯，艾斯坦拿（右）每行一步都係創造緊歷史，佢哋周三主場賽和加拉塔沙雷2:2，成為首支喺歐聯分組賽攞到分嘅哈薩克球隊，至於第一位喺歐聯分組賽入波嘅哈薩克球員係艾斯坦拿門將尼納艾力，點解嘅？因為佢喺今場波擺烏龍，幫對手入波。講起都奇怪，今場艾斯坦拿嘅兩個入球都係烏龍。和波之後，加軍同艾斯坦拿排C組第三同第四。