港大校委會否決陳文敏副校長任命，可說沒人感到意外，但最令不少政商界人士驚訝的是，一班倒陳校委，竟以沒有博士學位、沒有慰問盧寵茂等所謂理由否決任命。有港大舊生直言，陳不被任命固然令人憤怒，但亦揭露這班所謂精英在權力下的醜態，只會令更多保守精英選擇疏遠政府甚至北京，「唔想臨老整臭自己個朵」。
該港大舊生對季陶說，不論是陳坤耀、李國章、盧寵茂、還是洪丕正，縱使他們政見保守、親北京及特區政府，但在一眾中環精英階層中，也認為他們有自己底線，「去到呢個級數，個個有頭有面，就算要撐政府，有啲嘢係唔會做，大家有條底線，唔會做啲醜到冇面嘅事」。但今次看到這班精英以近乎反智的理由，否決陳任命，「佢哋自己點睇我唔知，但好多中環精英真係覺得佢哋好醜，私下個個笑緊佢哋」。
另一中環精英更相信，這班校委不是蠢人，他們仍要拿出這些理由否決陳任命，極可能是在政治壓力下，一定要發言倒陳交數，「之前有報道講過，有人會向政府最高層匯報校委會過程，所以呢班校委幾核突都要講，唔講交唔到數」。
事件凸顯了，今天要親北京、親政府，原來是要出賣底線，「幾難睇、幾醜樣都要做」，所以不少他相識的中環精英也說，這個政府「撐唔過，要保持距離」，「我估以後冇乜精英肯再出嚟同政府做嘢，原來撐政府要撐到咁墮落，以後仲有面喺馬會、Hong Kong Club出入？特別係上晒岸嗰班，冇人想臨老整臭自己個朵！」
季陶
周一、三、五刊出