伊朗國家女子足球隊（圖）內竟然有唔係女人嘅女人？呢班人唔係男人扮女人，只係變性人嚟啫。嚟自伊朗聯賽嘅消息人士話：「伊朗女子國家隊內有八個球員其實係男人，雖然佢哋做咗變性手術，但係就未做晒。」呢位人兄仲爆料，喺呢八個球員中有部份之前係以男性身份踢職業賽。查實早喺舊年二月，已經有指四個伊朗女子球員喺抽查性別檢測入面「肥佬」，結果被踢出國家隊。