隔牆有耳:袁國強病倒了 - 李八方

隔牆有耳:
袁國強病倒了 - 李八方

唔知係咪呢排因為要忙於處理南丫海難事故?主責嘅律政司司長袁國強(圖)操勞過度病倒了。
話說前日深夜見記者講解事件嘅袁國強,噚日朝早罕有缺席十˙一升旗同酒會喎,大家以為佢噚日做得太晏唔知醒瞓過龍?又或以為佢唔想喺噚日見人被傳媒追問?通通都唔係,據聞佢係病倒了。事關袁國強噚日下午原本都要出席一個青少年畫畫活動,但主辦單位喺活動前通知傳媒,袁司長因為身體不適而要缺席。
到底病成點樣呢?唔通感冒?八方問過律政司司長發言人,佢話袁司長有啲唔舒服,所以要缺席公開活動休息吓;至於今日返唔返到工?就要視乎身體情況決定嘞。