八方之前寫過，建制派男神、律師申偉基Ricky將會喺將軍澳運亨選區，同高登男神、新民主同盟嘅范國威拗手瓜。
不過Ricky向八方證實，佢已經悄悄退出經民聯一段時間，結束短暫嘅經民聯生涯。點解想做獨立人士？佢話想喺地區工作時保持開放態度，唔受任何黨派影響，有政黨背景，反而未必咁自在。無政黨支援，難度唔高咩？佢話有好多義工幫手，自己亦唔係要用好多物資去爭取街坊支持嗰隻，仲話喺呢區參選係想畀多個選擇市民，指范國威要分身兼顧立法會事務，自己則可以全力投身地區喎。八方聽聞，民建聯同新界社團聯會都全力撐佢出戰，難怪人力物力方面唔使擔心。