水唔好亂抽，但有時抽得靚又冇所謂。「法政匯思」召集人任建峰喺fb發起「#我問候盧寵茂行動」，有間餐廳就抽吓水，喺fb推出突擊優惠（圖）。餐廳話，「慰問，其實真係好重要㗎！少咗一句慰問，隨時連副校都冇得做」，所以要推廣慰問文化。10月1至4日，食客只要主動慰問店員，就免費獲贈一客燒望月奶黃月餅。
餐廳仲驚大家好似陳文敏咁唔識問候人，教埋大家點講，例如可以同店員講：「企咁耐攰唔攰呀？」話時話，呢間餐廳都幾鍾意抽水，往績包括「128港元的天價餐蛋飯」、「我要真普選特飲」、「D7689優惠」。不過，送月餅…中秋過咗喇喎。Anyway，八方都喺度問候吓寵茂。