「扯旗山」搞上市 佢賣嘅係……

「扯旗山」搞上市 佢賣嘅係……

創業板年中有不少公司上市,平時大多乏人留意,不過近日有間在創業板申請上市的公司,就受到網民關注,事關公司名稱非常特別。

有間於開曼群島註冊,中文名叫「扯旗山有限公司」的公司,9月29日呈交了創業板上市申請文件。根據文件內容,公司於上海經營港式休閒餐飲餐廳,唔…即係茶餐廳。

同樣是經營茶餐廳,翠華都有上市,不過與翠華旗下坐擁數十間茶餐廳的規模相比,扯旗山的規模就少得多,旗下只得兩間茶餐廳,一間叫查餐廳,另一間叫老查麵館。

咁究竟做茶餐廳嘅扯旗山為乜要集資? 申請文件指扯旗山今次上市,是為了開設一間餐廳、一間麵館,以及用於另一間麵館的籌備工作,集資亦會用於鞏固集團物流團隊及加強營銷活動等。

至於公司的上市保薦人,名叫百德能證券,同樣少為人知。

睇返「扯旗山有限公司」的英文名「VICTORIA PEAK COMPANY LIMITED」,大概明白呢間公司點解要叫扯旗山,扯旗山是香港太平山最高的一個山峰,呢個名絕對襯返公司經營的港式茶餐廳業務。