標準流浪今季有心發奮圖強，不過開季就唔多順利；上場港超聯0:1輸畀香港飛馬，仲有巴西中堅莫斯奧（箭嘴示）傷出。教練列卡度噚日晨操後話，證實莫斯奧右腳腳趾𣶸折，預計要唞八至九星期先可復操，可能要到出年年初先有機會見佢落場，所以原本諗住同巴西中堅辛坦拿解約嘅決定要hold住。另外，中場比圖亦傷癒，嚟緊禮拜日對東方嘅銀牌八強可以復出。