禮拜四國慶田草十場賽事用A加3欄作賽，剛用完A欄，相隔三日轉用A加3欄，究竟形勢如何呢？睇番上季7.1回歸日用完A欄，7月5日轉用A加3欄作賽，結果當日大利內檔及前置馬，八場草地賽事，一檔馬共獲三W三P佳績，而且共有六匹頭馬守前三位入直路建功，「有意思」、「勇士勁」及「正大光明」更加放頭帶到，抽得內檔兼具前速之馬匹最值得優先留意。
今戰列陣馬中，頭場「齊飛」係全場唯一曾於田A加3欄入Q之參戰馬，沿用上次贏馬之放頭跑法可添食。另外，尾場「點解」跑田A加3欄一次即勝，均速前置馬抽得三檔形勢有利，有機會跨季連捷。