一連11日嘅活動喺葵涌硬地足球場舉行，到時足球場會注沙700噸變做沙池。頭四日會上演亞洲女子沙排錦標賽，緊接就輪到亞洲女子沙灘手球錦標賽。主辦單位噚日喺記招就請咗三對沙排港將（左起）吳天麗/黃婉媚、杜詠彤/古蓉蓉、譚顯晴/盧慧茵出席，今次參加沙排仲有瓦努阿圖、中國同澳洲等勁旅。