Sammi開騷粉紅仙子上身

鄭秀文（Sammi）上周六在佛山舉行巡迴演唱會，有五年未有在佛山開騷的Sammi，甫現身台上便興奮地與歌迷打招呼，她笑說：「好耐冇嚟佛山開騷，我唔記得上次係幾時，年紀大機器壞，哈哈，都就嚟22對（44歲）。」接着她又風騷地說：「係咪好靚呢？啲人成日話我真人靚過上鏡，係咪先？」

Sammi上周六在佛山開騷，一身露肩粉紅長裙，十足仙女。

其後Sammi以「粉紅仙子Look」的露肩長裙出場，她又企定定任觀眾影相，她更自爆：「我真係好少着成咁，我覺得自己成個仙女咁呀，係咪差一支神仙棒呢？其實你哋影咁多相放上微博，我成日都偷嚟自己keep，有時仲會轉發當係自己相，哈哈！」最後Sammi與全場大合唱《終身美麗》為演唱會畫上完美句號。
撰文：唐琛悠

C AllStar繼續為Sammi擔任個唱嘉賓。