大台新劇《張保仔》紅人唔紅劇，洪永城同陳凱琳靠緋聞彈出，總係有原因嘅!事關呢套劇話落重本做特效，點知出嚟假到爆，前晚嗰集連對白都出事，話說噚日鄧潔明同麥玲玲電台開咪都忍唔住笑咗出來，鄧潔明話：「嗱！《張保仔》入面就講話王妃想將自己嘅宮女介紹畀貝勒陳展鵬.....兩個妹仔一個係龔嘉欣，一個係傅咩嘉(傅嘉莉)，佢哋唔係陳凱琳穿越，佢哋係清宮來，娘娘就叫宮女幫佢睇住貝勒，個宮女點會話『娘娘，你真係想我做卧底』。嚇得我，會唔會陳凱琳私下同個宮女friend咗見面傾咗偈。」
麥玲玲仲寸爆話：「點會有人咁講㗎！會唔會卧底呢個字已經有咗幾千年歷史，真係要查一查，中國文化寶庫，我聽到呢度叮咗一聲。」