獲紅色資本入主，聲稱投資100億發展的亞洲電視，日前宣佈再向通訊事務管理局（通訊局）申請免費電視牌照，似乎要大展拳腳，昨日更特別在大埔總台舉行記者會，講述亞視的牌照動向。亞視執行董事葉家寶、新任營運總裁馬熙以及高層何子慧齊齊現身，但卻沒有甚麼新意，僅透露25日已經收到通訊局的通知，批准重新定位在香港，以「ATV1-7」命名的7條新頻道播出，屆時將在10月份陸續調整。
在答問環節中，葉家寶再次被問到出糧問題，他說：「我哋已經多次向新舊董事強烈提出，要求準時出糧，9月份嘅薪金積極安排當中，期望近期可以發放。」馬熙補充說：「我哋向通訊局提交咗未來6年嘅計劃，其中6億做設備更新，25億會用嚟節目製作或者買片，另外20億用嚟做正常營運，加埋51億，新投資者亦發覺我哋基層員工人工低過出面，所以計劃喺10月會加人工，加幅大約10-30%不等，遲啲亦都會招聘好多人手。我哋會由頭嚟過，希望大家可以畀啲機會我哋。」就早前有傳協盛協豐合作，葉家寶說：「我哋喺10月份會公佈，𠵱家賣關子。」
陸駿光冀港視有奇蹟
不過，通訊局昨日就亞視的記者會主動發新聞稿，表示因亞視提交資料不齊全，仍未批准其股權變動申請，昨日並已去信亞視，明確表示會首先處理亞視的股權變動申請，才考慮免費牌申請。
另一方面，港視就傳送節目制式，被通訊事務管理局制止之決定提出司法覆核，高等法院上訴庭裁定港視一方敗訴。港視前藝人艾威昨日接受電話訪問，他說：「有少少麻木，唔係話氣餒，但真係好似好多掣肘。政府一方面話推動創新科技發展，一邊又打壓創意工業，真係唔知搞乜！」而「港版半澤」陸駿光則說：「聽到呢個消息，就算放低咗都想有奇蹟出現，都會幾唔開心，但現實就係咁。」
採訪：溫敏芝
攝影：陳慧安
