內地搞笑片《港囧》上周五上映，至上周日的三日票房收入已達到6.6億元（人民幣．下同），打破華語電影首日及首周末紀錄，令呢部之前唔畀外界睇好的電影，可能成為黑馬。《港囧》的導演徐崢2012年拍《泰囧》，內容講中國遊客在泰國旅遊奇遇，當時票房突破12億元，成為有史以來最高票房華語電影，並令去泰國的中國遊客激增。
徐崢之後再籌拍《港囧》，呢部戲去年已經拍完，但撞上佔中，反水客運動，中港民間矛盾大爆發，部戲一直唔敢上畫。製作公司A股光線公司上周五股價一度跌逾8%，顯示大家都覺得現時環境，內地觀眾都唔會鍾意呢類香港旅遊片。
根據劇情介紹，《港囧》主打懷舊同無厘頭搞笑，避開晒近年中港矛盾焦點，減少咗爭議，令多啲觀眾走入戲院。《港囧》在內地影響巨大，撞正國慶黃金周檔期，亦有助多啲旅客來香港，本港零售股或有驚喜。
黃尹華