【同場加映】
金管局既然知道資訊中心吸引到唔少遊客上去欣賞香港景色，當然要提供紀念品畀遊客鳩嗚喇，其中一款用廢鈔碎造成嘅紙鎮，由藍色20蚊，到金色1,000蚊都有，真係要讚金管局有諗頭，懂得廢物利用。
廢鈔係印鈔過程當中，切碎嘅頭頭尾尾，難得金管局又諗到將佢哋製作成紙鎮，20蚊紙到1,000蚊紙都有，藍、綠、紅、啡、金色，任君選擇，都係賣100大元，幾過癮。至於邊隻色最好賣？據聞係1,000蚊金色，咁橫掂係買，大家心理上都應該會買面額較大嘅。
華華本月中走去八卦，發現100蚊紙以上嘅紙鎮都售罄（圖），最近先返貨。
李潤芳攝