【本報訊】雨傘運動看似未見成果，民主黨創黨主席李柱銘卻對未來充滿信心，認為一如整場雨傘運動，起初只預料有數千人參加、堅持幾天便算，豈料佔領運動持續79日，萬料不到令政改方案遭大比數否決，直言「我等緊下一個神蹟，到時就知道呢個雨傘運動好勁」。天主教香港教區榮休主教陳日君樞機亦指，「我哋絕對唔會輸！我哋已經贏咗好多」。
右手撐着枴杖的李柱銘和陳日君昨午到立法會門外出席由黃傘街頭基督徒基層團體舉行的集會，跪在地上為香港民主禱告的李柱銘發言指，對香港民主路充滿信心，因為9.28之前，誰能預料佔領人數之多：「佔中三子（最初）同我講得最多兩、三千人，即使逐個抬走，抬到（去年）10月3日就抬晒，𠵱家搞咗一個咁嘅雨傘運動出嚟，你話呢個係咪神蹟呢？嗰日我見到你哋（示威者）湧出馬路，我已覺得係一個神蹟」。
陳日君：我哋唔會輸
李續指政改遭否決，其間更出現建制派「蝦碌」缺席投票，縱使香港至今未有民主，中央及特區政府態度強硬，但只要有信心，續以愛與和平方式表達訴求，勝利最終也屬於人民：「𠵱家話係失敗我係完全唔同意，只能講係尚未成功……大家千祈唔好話失敗、話失望。」說罷，市民不斷拍掌稱好。
去年9.28在佔領場通宵留守、午夜還睡在「命運自主台」旁邊的陳日君，昨日重返舊地，甫開口便說：「我一開始就知道我哋會贏，因為我哋同天主一齊，我哋絕對唔會輸！」由去年毅行真普選、6.22公投甚至佔領時全程投入的陳日君，稱支持民主的港人已贏了很多，即使未完全勝利：「圓滿嘅勝利係睇最後嗰日， 所以我哋一定要繼續努力。」他還憶述去年9.28晚上，他一直膽顫心驚，很怕雙方陣營擦槍走火，幸警方最後撤退。李柱銘和陳日君之後一起出席默站儀式，其間一直撐着黃傘，儀式後離開。
■記者姚國雄
《雨傘一周年》: http://umbrella.appledaily.com