【本報訊】35歲的鄭捷彬原屬公民力量成員，兩年前因新民黨與公民力量合併，鄭亦成為新民黨黨員，繼而在一年多前被委以重任，到荃灣汀深區開拓。面對前黨員鄭承隆似乎衝着他而來，鄭捷彬指：「我落嚟年半，一個星期做15至20個鐘；我就未見過佢喺街上接觸街坊，只係見過佢喺茶餐廳食嘢。」
擁多年議員助理經驗
首次參選的鄭捷彬，訪問當天獲該黨副主席田北辰親臨助派單張。是否以明星效應拉票？本身是荃灣區議會愉景選區區議員的田北辰說：「你咁樣太睇小我哋啲地區幹事。佢（鄭）初初嚟呢度嘅時候，的確好需要我；但今日，佢絕對唔需要我，啲人望住佢多過望住我，因為認得佢，佢成日喺度出入吖嘛。」
田解釋，新民黨派員到此區試陣，源於有區內街坊向他表示冀有新民黨代表進駐，他亦認為新民黨在此中產屋苑區認受性不俗。不靠明星，鄭捷彬強調主打區內交通問題，「深井朝早成日冇車出去（九龍區），交通問題要解決」。
做過多年議員助理的鄭捷彬，表示這次選戰最大的難度，是如何面對前黨友的倒戈，早前鄭承隆便在facebook就荃灣至屯門單車徑問題向他開炮，鄭捷彬強調：「壓力冇話特別大嘅。如果真係出嚟選，就預咗要接受挑戰，無論挑戰嚟自邊一方。」
■記者許偉賢
鄭捷彬小檔案
年齡：35歲
職業：地區幹事
政黨：前公民力量成員，2014年公民力量與新民黨合併後成為新民黨黨員