區議會選舉仲有不足兩個月就到，相信大家都會覺得地區嘅怪象頻生，你鬧我、我數你嘅場面隔幾日就會出現，好似噚日咁，心曠神怡嘅日出康城，一位中學教師李栢棠就搞咗個居民申訴大會，話要「聲討方國珊打擊社區言論」，擺咗幾個易拉架出嚟，大大隻字請外號「哪吒」嘅方國珊，「不要用揦鮓手段迫害居民」，之後再將請願信交畀同樣係方國珊嘅政敵咖喱范、新民主同盟立法會議員范國威。單睇場面，似乎係屋苑內嘅業主恩怨。
方國珊極力否認自己有做過衰嘢，話冇發過律師信畀對方，佢話聽聞李栢棠稍後會參加領都屋苑嘅業委會選舉囉。八方不知誰是誰非，只係有感政治從來都係生活中，你唔理政治，政治都會搵上門。