陳偉豪轉踢職業足球後，兩度兼職地產經紀，當中2010年約滿南華後，更毅然放棄與這班霸續約，寧願重返自由度較大的母會流浪，為將來掛靴後轉任地產經紀鋪路。
2009年低價入市
有傳事件觸怒了當時的南華足主羅傑承，但這事說明了，偉豪確實很有興趣做地產經紀。他透露自己一直喜歡室內設計，看得多相關的資料便對地產產生興趣：「香港地方細，要善用空間就要靠擺位，好似砌LEGO咁，有好多唔同玩法。我慢慢鍾意咗物業，試過主動同地產經紀去睇唔同樓盤，睇樓之餘，亦會睇裝修同間隔。」
陳偉豪在2009年助香港奪東亞運足球金牌，同年在深井以200餘萬購入一個800呎單位作婚後之用；現在單位價值已倍升，他自言能以這個低價入市是夠運：「嗰時咁啱雷曼倒閉，金融海嘯，市道差到冇得再差，任何人都覺得樓價仲會跌。我唔識睇樓市，不過嗰時計劃結婚要搵地方住，既然嗰時供樓比租樓平，加上長輩話𠵱家唔買以後就唔使買，所以決定入市，仲一直自住到𠵱家。」他表示，由於購入時比較急，不久太太又懷孕，現時家裏只放了簡單的家具，未有太多自家設計。