雖然在月初作客中國的世盃外受傷，但陳偉豪從不抗拒代表香港，只要有需要便會為港足出力，可是也有洩氣的時候。偉豪表示，港足及港超球會訓練時數不足已不是新聞：「出道冇耐就聽到政府喺將軍澳撥地畀足總起訓練中心，點知我就嚟收山都未動工，其實起訓練基地唔難啩。」
望足總設觀戰證予球員
他又指出，代表隊的訓練費、入選費及出場費等，已超過10年沒有調整，仍是每課300元，入選及出場費各1,000元。偉豪認為，香港人很喜歡足球，本地足運發展得好，整個社會也可受惠：「如果為錢，好多球員唔會為港足出戰，傷咗點算？但球員追求嘅係代表香港嗰份光榮感同外界認同感。其實足總做多啲，就可以提升球員認受性，好似為現役同前港腳設觀戰證，免費睇外隊賽同本地賽嘅證件。」
偉豪透露有時太太想入場為他打氣，但獲配給的座位經常坐滿人，如遇上港足早前的爆棚波，就要早一小時入場與球迷「爭位」：「其實足總留多啲位置較好嘅波飛，畀港足球員同家屬就解決到問題。我哋球員自己都傾過呢個問題，唔係因為港足近期火紅火綠先投訴，如果球員有多啲回報，一定更搏命。或者遲啲我會同足總第一位女董事梁芷珊講吓。」