區議會選舉提名期將至，今次區選焦點是一班傘兵組織進軍區選，當中有人與泛民政黨協調成功，但也有協調失敗，但對泛民候選人及一些傘兵來說，這不是最感興趣的事，他們反而關注，為何同屬傘下團體，何以有些傘兵組織資源出奇充裕？
有泛民中人對季陶說，他們與一些「有偈傾」的傘兵交流過，他們有理想卻缺乏選舉經驗，最大問題是這些年輕人大多沒有政治人脈、沒有知名度，要籌集選舉經費有相當難度；不是自己出錢，就是向朋友或傘運時認識的人「籌旗」，「所以大部份傘兵選舉工程都係要自己一手一腳做埋」。
歷屆均有「大戶」候選人
所以有年輕傘兵看到某些傘後組織資源充裕，能製作大量精美宣傳品，又可以搞一個與政黨同級的誓師大會，私下也不禁羨慕，自嘲沒有「大戶」支持，可算是同人唔同命。
有泛民中人也稱，不知道資源充裕的傘兵組織錢從何來，有泛民更笑言：「其實都唔使點查，次次選舉必有一班候選人好似開咗『金手指』，可以有無限嘅資源，出嚟打泛民嘅候選人！」
季陶聽聞，江湖早已盛傳，阿爺「目標」是要搶泛民現有最少一成區議會議席、即約9至10席左右，「咁除咗建制派狙擊泛民候選人外，梗要搵第三力量出嚟𠝹票」。有建制派中人亦不諱言，泛民與傘兵在某些選情五五波地區相爭，料對他們選民有利。
季陶
周一、三、五刊出