如果問10個人馬隆達、安歷卡同懷斯呢幾個人有乜關係，我諗有九個都會答佢哋曾經一齊喺英超搵食。但係家陣佢哋再次聚頭，就唔關英超事喇，呢班球星日前出席印度超級聯賽嘅發佈會，宣佈喺下月三日，當新一季印超聯開鑼時，齊齊喺印度踢波。除咗佢哋三個之外，仲有一班過氣球星好似艾蘭奴、普斯迪加、盧斯奧、山齊士華特、梅度同森馬奧等，佢哋全部都會喺印度掘金。