在銅鑼灣經營小食店和手工店的譚小環，去年佔領期間生意直接受影響，可是她沒把責任推在佔領人士身上，反而站出來支持他們。
回顧雨傘運動一周年，小環日前走在去年銅鑼灣佔領路段，心中萬分感慨：「時間飛逝，工作同生活都繼續，不過心態就明顯變咗，好坦白從前搵錢至上，忽視咗好多嘢，雨傘運動之後，我嘅思想唔同咗，尤其做人價值觀，唔會睇錢睇得咁緊張，自己會多關心民生、社會同政改，呢啲先對自己有保障。」
即使雨傘運動終結，但小環不認同是失敗：「嗰段時間係播種期，入咗新一代年輕人嘅心，信念會傳承落去。」要達到爭取真普選，小環說：「唯一方法係堅守信念，希望有生之年可以投票選出我心目中嘅特首，即使篤住柺杖，我都要去投票，期待見到香港光明磊落。」
今日9.28，小環不排除到金鐘或銅鑼灣走一走，畢竟一年前警方向手無寸鐵巿民狂發催淚彈這幕太震撼，小環說：「呢個歷史畫面，睇到我個心好唔安樂，情緒好激動，好驚訝香港呢片福地，點解發生呢啲嘢。」
採訪：比華利
《雨傘一周年》: http://umbrella.appledaily.com
