【本報訊】3年前的追月夜，39人在十．一南丫海難喪命，多個家庭仍未走出家人離世陰影。倖存者趙先生雖逃過鬼門關，但右手傷勢無法復元，其胞姊在海難遇難的傷痛更難平，「3年嘅中秋節都過得好辛苦，政府至今冇圓滿答案，實在對唔住家人。究竟責任誰屬？家屬無法睇報告，我想問政府點同我哋交代？」
不滿梁特冷待
另一海難家屬徐先生過去3年屢發公開信，批評政府各部門冷待海難，「每個人都想向前行，但政府就係攔路虎，每年都提醒我，政府幾時先肯放過我哋家屬？」他說3年來最不滿特首梁振英對事件態度，相比馬尼拉人質事件，特首明顯更冷漠，從未與家屬會面慰問，「係咪下屬做錯就匿埋一邊？」他指家人的愛是一生一世，勢必繼續追究政府人員責任。
徐先生說海難未解決，今年十．一再放煙花，海難家屬肯定不開心，但不會要求停放，「凡事總有原因，但放煙花理由係咪充份，用燒煙花嘅錢去買飯畀貧窮家庭，係咪更加有正能量？」他認為需慎思放煙花意義。
■記者鄭啟源